முப்பதில் காலெடுத்து வைக்கும் நம்ம நயன்!

 

இளசுகளின் இதயம் கவர் இளம் கன்னி நயனுக்கு இன்று 30 வயது. இவரின் இயற்பெயர் டயனா மரியா குரியன்..

ம்ம்ம் எவ்வளவு அழகான பெயர். இவர் மலையாள படம் மூலம் திரையுலகிற்கு அறிமுகமானவர். 2005 ஆம் ஆண்டு ஐயா திரைப்படத்தின் மூலம் தமிழில் அறிமுகமானார். ஆரம்ப காலங்களில் இவருக்கு தமிழில் பெரிய வரவேற்ப்பு கிடைக்கவில்லை. 

சூப்பர் ஸ்டாருடன் 'சந்திரமுகி' யில் நடித்த நயனுக்கு, சூர்யாவுடன் கஜினி திரைப்படத்திலும் இரண்டாம் கதாநாயகி வேடம் தான். இடையிடையே குத்து பாடலுக்கு நடனமாடிச் சென்றார். இப்படியிருந்த நயனுக்கு 'வல்லவன்' திரைப்படம், திரையுலகில் நல்ல காலத்தையும், காதலையும் கையில் கொடுத்தது. சிம்புவுடன் காதல் கிசுகிசுக்க, அப்படியே 'வில்லு' வில் இறங்கினார் நயன். சிம்புவின் காதல் முறிய பிரபுதேவாவுடன் காதல் என திருமணம் வரை கொண்டு சென்றது அந்த உறவு. சிறிது காலத்தில் அதுவும் முறிந்தது. 



ஒரு ஒய்வின் பின் மீண்டும் சினிமாவுக்கு வந்த நயனுக்கு 'ஆரம்பம்' நன்றாக அமைந்தது. அஜித்துடன் ஆரம்பித்து, ஸ்டாலின், ஆர்யா, ஜெய் வரை அனைவருடனும் நடிக்க தயார், கதை இருக்கா என்று கேட்டு களமிறங்கினார். ஆரம்பம், ராஜா ராணி என அடுத்தடுத்து ஹிட் கொடுத்து வருகிறார். மேலும் ' மாஸ்' 'நண்பேண்டா' போன்ற படங்களில் நடித்து வருகிறார். கார்த்தியுடன் 'காஷ்மேரா' என்ற படத்தில் ஒப்பந்தமாகியிருக்கிறார். தெலுங்கிலும் பல வாய்ப்புகளைப் பெற்று வருகிறார். ஆக்ஷன் கதைகளை தான் அதிகமாக எதிர்பார்கிறாராம் நயன். கோடிக்கணக்கில் சம்பளம் பெறுகிறார் என்பதும் குறிப்பிடத்தக்கது.